२०७७ असार २१, आईतबार

चितवनको १७ किलोमा जीप दुर्घटना, एक जनाको मृत्यु    



हेटौँडा। मकवानपुर जिल्लास्तरीय मानवअधिकार अवस्था अनुगमन समितिका संयोजक तथा गैरसरकारी संस्था महासङ्घ मकवानपुरका अध्यक्ष डा. कृष्ण धितालको परिवार सवार जीप दुर्घटनामा परेको छ।    

दुर्घटनामा धितालकी श्रीमतीको मृत्यु भएको छ भने जीपमा सवार चारजना घाइते भएका छन्। हिजो १५ असार साँझ मुग्लिन–नारायणगढ सडकखण्डको १७ किलो भन्ने स्थानमा दुर्घटना भएको थियो। दुर्घटनामा धितालकी श्रीमती प्रभा गौतमको मृत्यु भएको हो। जीपमा काठमाडौंबाट हेटौँडातर्फ फर्कने क्रममा भारतीय ग्यास बुलेटसँग ठोक्किएर दुर्घटना भएको चितवन प्रहरीले जनाएको छ।     

धितालकी श्रीमतीको उपचारका लागि अस्पताल लैजाँदै गर्दा बाटोमै मृत्यु भएको चितवन प्रहरीले जनाएको छ। दुर्घटनामा परी धितालका छोरा अनुज र चालक राजन घिमिरे गम्भीर घाइते भएका छन्। यस्तै कृष्ण धिताल र छोरी वर्षा मध्यम अवस्थामा रहेको चितवन प्रहरीले जनाएको छ।

धिताल परिवार सवार बा१३च ५९२९ नम्बरको स्कर्पियो जीप नारायणगढबाट मुग्लिङतर्फ छुटेको एनएल ०१०५१६० भारतीय नम्बरको ग्यास बुलेटसँग ठोक्किएर दुर्घटना भएको हो। रासस  
 

चितवनको १७ किलोमा जीप दुर्घटना, एक जनाको मृत्यु    


प्रकाशित: मंगलबार, असार १६, २०७७ ०८:०९
समाचार सारांशमा :
  • भारतीय ग्यास बुलेटसँग जीप ठोक्किएर दुर्घटना
  • जीपमा सवार चारजना घाइते
पूरा समाचार पढ्नुहोस्

हेटौँडा। मकवानपुर जिल्लास्तरीय मानवअधिकार अवस्था अनुगमन समितिका संयोजक तथा गैरसरकारी संस्था महासङ्घ मकवानपुरका अध्यक्ष डा. कृष्ण धितालको परिवार सवार जीप दुर्घटनामा परेको छ।    

दुर्घटनामा धितालकी श्रीमतीको मृत्यु भएको छ भने जीपमा सवार चारजना घाइते भएका छन्। हिजो १५ असार साँझ मुग्लिन–नारायणगढ सडकखण्डको १७ किलो भन्ने स्थानमा दुर्घटना भएको थियो। दुर्घटनामा धितालकी श्रीमती प्रभा गौतमको मृत्यु भएको हो। जीपमा काठमाडौंबाट हेटौँडातर्फ फर्कने क्रममा भारतीय ग्यास बुलेटसँग ठोक्किएर दुर्घटना भएको चितवन प्रहरीले जनाएको छ।     

धितालकी श्रीमतीको उपचारका लागि अस्पताल लैजाँदै गर्दा बाटोमै मृत्यु भएको चितवन प्रहरीले जनाएको छ। दुर्घटनामा परी धितालका छोरा अनुज र चालक राजन घिमिरे गम्भीर घाइते भएका छन्। यस्तै कृष्ण धिताल र छोरी वर्षा मध्यम अवस्थामा रहेको चितवन प्रहरीले जनाएको छ।

धिताल परिवार सवार बा१३च ५९२९ नम्बरको स्कर्पियो जीप नारायणगढबाट मुग्लिङतर्फ छुटेको एनएल ०१०५१६० भारतीय नम्बरको ग्यास बुलेटसँग ठोक्किएर दुर्घटना भएको हो। रासस